Изборниот конгрес на Европската гимнастичка федерација (УЕГ) се одржа во периодот од 5-ти до 9-ти ноември 2009 во Тел Авив, Израел. Пред почетокот со работа на конгресот, Израелската гимнастичка федерација за сите учесници организираше посета на споменикот на изрелските спортисти убиени за време на Олимпијадата 1972 во Минхен,

Германија од страна на палестинската терористичка група “Црн септември“. На споменикот венци со цвеќе положија Претседателот на Израелскиот олимписки комитет, Претседателот на УЕГ и Претседателот на Израелската гимнастичка федерација.

Во рамките на работата на Изборното собрание на УЕГ се вршеше избор на Претседател, потпретседатели и членови на органите на УЕГ.

Во трката за избор на Претседател на УЕГ учествуваа тројца кандидати: Димитрос Димитропулос, Жорж Гелзак и Иван Левак. По првиот круг гласање ниту еден од предложените кандидатите го немаше потребното дво-третинско мнозинство за избор по што се премина на втор круг гласање.

Во вториот круг, гласовите се делеа помеѓу актуелниот претседател на УЕГ г-дин Димитропулос и актуелниот потпретседател на УЕГ г-дин Гелзак, за да на крајот Жорж Гелзак обезбеди победа со 24 гласа наспроти 22-та гласа на Димитропулос.

Со тоа Жорж Гелзак беше избран за Претседател на УЕГ за периодот 2010-2013.

Во трката за потпретседатели на УЕГ беа предложени пет кандидати, но Претседателот на унгарската гимнастичка федерација, г-дин Андрас Сабо одлучи да ја повлече својата кандидатура. Нови потпретседатели на УЕГ се:

·         Malin Eggertz Forsmark (SWE)

·         Ruedi Hediger (SUI)

·         Paul Garber (GBR)

За членови на Извршниот комитет на Европската гимнастичка федерација (УЕГ) беа  избрани:

·         Iordan Jovtchev (BUL)

·         Sylvio Kroll (GER)

·         Andrey Rodionenko (RUS)

·         Manuel Boa de Jesus (POR)

·         Metin Sayin (TUR)

·         Antonio Esteban Cerdan (ESP)

·         Igor Korbochinskyi (UKR)

За претседатели на техничките комитети во УЕГ беа избрани:

·         Машка спортска гимнастика: Gianfranco Marzolla (ITA)

·         Женска спортска гимнастика: Yvette Brasier (FRA)

·         Ритмичка гимнастика: Heide Bruneder (AUT)

·         Трамболина: Erich Juhl Mogensen (DEN)

·         Аеробик: Cristina Casentini (ITA)

·         Акробатика: Lawrence Colton (GBR)

·         Гимнастика за сите: Detlef Mann (GER)

·         Тимска гимнастика: Keith Hughes (GRB)

За претседател на контролната комисија беше избран Paolo Frising (LUX),  додека за нејзини членови Roman Slavik (CZE) и  Erkki Tervo (FIN).

По завршувањето на првиот работен ден на Конгресот на УЕГ, делегацијата на ФГСМ предводена од Претседателот, г-дин Љупчо Арнаудов присуствуваше на свечен коктел кој по повод 70-тиот роденден на Мирослав Церар го организираше амбасадорот на Словенија во Израел, г-дин Борис Совиќ. Мирослав Церар е една од најголемите легенди во светската гимнастика кој во својата успешна гимнастичка кариера два пати е освојувач на олимписки медал, 4 пати бил светски шампион и 10 пати европски шампион.

По повод роденденот пред сите присутни на коктелот, Претседателот на ФГСМ на Мирослав Церар му додели златник со логото на Федерацијата.

По завршувањето на работниот дел на Конгресот беше организирана свечена вечера за сите учесници во ресторанот “Винска пештера“ во градчето Холон, во близина на Тел Авив.

Свечената вечера беше добра можност за дружење на присутните во релаксирана атмосфера.

Конгресот заврши со организирана екскурзија за присутните до светиот град Ерусалим.

преглед на фото галерија  - тука