Подготовките се одржаа во салата на гимнастичкиот клуб “ЦСКА“ во Софија, во договор со Претседателот на клубот “ЦСКА“,
г-динот Милко Танкушев. Присуството во Софија беше искористено за унапредување на знаењата и размена на искуства со истакнати гимнастички работници и активни гимнастичари меѓу кои Филип Јанев и Александар Бутинков.

На подготовките како член на бугарската репрезентација во МСГ која се подготвуваше за настап на Европското првенство во Бирмингем 2010, присуствуваше и Претседателот на бугарската гимнастичка федерација, актуелен светски вицешампион на карики и европски вицешампион во повеќебој, Јордан Јовчев.

Претседателот на ФГСМ, г-дин Љупчо Арнаудов, одлучи со сопствени средства да ги покрие трошоците за подготовките на гимнастичарите, како награда за нивните достигнувања и прикажаните резултати во изминатата натпреварувачка сезона како во рамките на домашното првенство, така и на меѓународната сцена.