Собрание

Извршен одбор

Одбор за контрола

Технички комитети

Дисциплинска комисија

С О Б Р А Н И Е

Благородна работа е човек да се занимава со спортот. Уште поблагородно е да се помага спортот. Тоа значи уште од најраните години нашата популација да се усмерува по патот, кој е спротивен од патиштата што водат кон пороците. Како бизнисмен и родител, имав можност да се посветам на било кој спорт. Се определив за гимнастиката, зашто сметам дека секој еден кој се занимава со неа, се оспособува за сестран спортист. Нашата гимнастика е во подем.Излегуваме од анонимноста во последниве неколу години, благодарение на поддршката од вистинските активисти во неа. Расчистивме со минатото и сега со сите сили се обидуваме да се доближиме до Светот.
Како Федерација сме присутни на светските, европските и балканските средби на гимнастичките работници. Каде што имаме можност испраќаме и наши гимнастичари. Постигнуваме скромни резултати, но свесни сме дека за подобри резултати се потребни најсовремени справи и реквизити. Го решаваме и ова, но за да се израмниме со развиените земји во гимнастиката потребна ни е помош и разбирање од нив. Во интерес на сите е и гимнастиката во Македонија да биде на висина на земјите со богата традиција

И З В Р Ш Е Н   ОД Б О Р

Извршниот одбор е извршен орган на Собранието на Федерацијата.Извршниот одбор го сочинуваат Претседателите на сите клубови и Претседателот на Техничките комитети по функција. За својата работа Извршниот одбор е одговорен пред Собранието на Федерацијата.

О Д Б О Р   З А   К О Н Т Р О Л А

Одборот за контрола има 3 членови кои ги бира Собранието. Членовите на одборот не може да бидат едновремено и членови на органите и телата пропишани со овој Статут. Членови на Одборот за контрола се: Љубе Стојаноски, Стефче Василевски и Слободан Вељковиќ.

Т Е Х Н И Ч К И   К О М И Т Е Т

Согласно организационата структура на ФИГ во рамките на ФГСМ за секој сегмент од гимнастичките спортови (доколку се развиени во РМ) се формира Технички комитет.
Техничкиот комитет/и е стручен орган на Федерацијата, сочинет врз принцип на стручност. За прашања од заеднички интерес во работата на техничките комитети, се свикува заеднички состанок со кој раководи Претседателот на Техничките Комитети.
Претседател на Техничкиот комитет на ФГСМ – Проф. Д-р Душан Тодоровски
Техничкиот комитет се состои од следните технички комитети:

1. Технички комитет за МСГ:
            Комесар за развој на МСГ - Ацо Ристески
            Комесар за судиски прашања – Александар Аргироски
            Селектор за МСГ - Трајче Ефремов

            Помошник комесар за развој на МСГ – Димче Нецинов

2. Технички комитет за ЖСГ:
            Комесар за развој за ЖСГ – Весна Огненовска
            Комесар за судиски прашања – Mира Т Петровска
            Селектор за ЖСГ - Весна Огненовска

3. Технички комитет за масовни активности:
            Комесар за масовни активности - Мирјана Ташковска

Претседател на Техничките комитети-доцент доктор Душан Тодоровски

Професор доктор Душан Тодоровски-Повеќе години сум научен спортски работник. Посебна опсесија ми е гимнастиката. Со другите спортови, Македонија е попозната во Светот, но откако и во гимнастиката ќе ја внесеме науката, мислам дека и со неа ќе се доближиме најпрвин до Балканските земји. За тоа треба труд и време, но оптимизмот мора секогаш да не грее.

Комесар за развој на МСГ-проф. Ацо Ристевски

За разлика од пред 15-16 години кога во Македонија побројни беа натпреварувачите од машката конкуренција, денеска имаме обратен случај.Доминира женската, но како што одат работите набрзо ќе имаме изедначена конкуренција меѓу овие две категории.

                               Комесар за судиски прашања, Мира Т Петровска

Селектор за МСГ-Трајче Ефремов

Задоволен сум што имам обврска да се грижам и да го следам развојот на машката гимнастика кај нас. Како селектор немам којзнае какви обврски од причина што нема и којзнае каква конкуренција. Ќе бидам многу посреќен ако постојано сум во дилема, кој од нашите гимнастичари, во одредени прилики треба да ја поретставува нашата земја на меѓународни манифестации.

Комесар за масовни активности Мирјана Ташковска

Со гимнастика се занимавам од најраното детство. Сега сум Комесар за масовни активности. Тоа значи дека моја основна преокупација треба да биде масовноста, но јас сепак, претпочитувам да имаме поголеми успеси во квалитетната гимнастика. Сепак, јавна тајна е дека квалитетот произлегува од масовноста, па затоа апелирам до сите клубови да работат на планот на омасовувањето.

Селектор за ЖСГ, Весна Огненовска

Малку по малку, почнуваме да се будиме од летаргичниот сон што владееше неколку години наназад. Во Македонија, освен видните напори да се омасови гимнастиката, се прават сериозни чекори кон обезбедувањето на посовремени помагала. Без справи сигурно дека не можеме да чекориме напред. Новите справи овозможуваат воведување на нови програми, а тоа веќе е гимнастика која се практикува во поразвиените земји.

Д И С Ц И П Л И Н С К А   К О М И С И Ј А

Дисциплинската комисија е составена од 3 члена (претседател и два члена), а членовите ги бира Собранието на Федерацијата. Членови на Дисциплинската комисија се:
            - М-р Јован Јовчески,
            - Миле Петровски
            - Александар Аргироски