Поради непристојното и недолично однесување и изнесувањето на навредливи и понижувачки изјави кон Претседателот и раководството на ФГСМ, останатите комесари и тренерите, даден е предлог за разрешување на Марица Штрбац од функцијата Комесар за судиски прашања по женска спортска гимнастика.

Во организација на Сојузот за училишен спорт од Битола на 04.06.2010 во салата на Гимназијата “Јосип Броз – Тито“ се одржа свечено доделување на награди и признанија за основните и средните училишта кои во изминатите неколку месеци се натпреваруваа на локално и регионално ниво во поголем број екипни спортови.

Изминатиот викенд во хотелот “Континентал“ во Скопје во организација на Граѓанската асоцијација за рекреативно движење ГАРД и Сојузот на спортови на Македонија, а под покровителство на Интернационалната асоцијација за спорт и култура ISCA и Европската конфедерација за спорт и здравје CESS се одржа јавна трибина за улогата на спортот во развојот на граѓанското опшество.

На 29.05.2010 со почеток во 11:00 часот во салата на КГС “Партизан“ – Битола се одржа Првиот државен натпревар за А-лига во женска и машка спортска гимнастика. На натпреварот учество зедоа пет клубови со своите натпреварувачи кои се изборија за место во А-лигата на Квалификациониот натпревар одржан во Прилеп на 24.04.2010.